داکترعبدالله رییس شورای ملی مصالحه ، در سفر دو روزه اش در تاجیکستان امروز سه شنبه 22 دسامبر با امام علی رحمان رییس جمهور این کشور دیدار و گفت و گو نمود.
پس ازین دیدارها ، آقای عبدالله و امام علی رحمان در یک نشست خبری مشترک دربرابر خبرنگاران ظاهر شده و بر اهمیت نزدیکی افغانستان و تاجیکستان تاکید کرده اند.
امام علی رحمان رییس جمهور تاجیکستان گفته است با تمام قوت از تامین صلح درافغانستان حمایت می کند. او گفته : (افغانستان ، تاجیکستان و کل منطقه از افراط گرای و تروریزم متضرر شده اند. ثبات درافغانستان زمینه تجارت وترانزیت را درنخست میان دوکشور فراهم می کند.)
داکترعبدالله نیز با تاکید بر نقش تاجیکستان ، حمایت این کشور از تامین صلح و ثبات در افغانستان را مهم دانسته است.
داکترعبدالله گفته است:( افغانستان می تواند از تجربه ی صلح و آشتی ملی تاجیکستان استفاده کند.)
دولت تاجیکستان نیز حدود سی سال پیش دچار جنگ های خونین داخلی بود که سپس به اثر تلاش استاد برهان الدین ربانی و احمد شاه مسعود جنگ ها دراین کشور پایان و دولت امام علی رحمان با عبدالله نوری مخالف سر سخت اش توافق صلح امضا کرد. صلح که منجر به ثبات دایمی دراین کشورشد.
داکترعبدالله در ادامه سفرهای منطقه ی اش برای تامین صلح درافغانستان ،تاکنون به چندین کشور از جمله اوزبیکستان نیز سفر کرده است.
