درپی داغ شدن جنگ و صلح افغانستان درمناسبات منطقه یی ، تاجیکستان گفته است که از موضع دولت افغانستان در گفت و گو های صلح حمایت می کند.
وزیرخارجه تاجیکستان دریک نشست خبری امروز دوشنبه ۲۷ دلو درشهر دوشنبه اعلام کرده است که تاجیکستان هیچ رابطه با طالبان ندارد.
او گفته دوشنبه حاضر است در ماه مارچ ازوزیران خارجه پروسه استانبول میزبانی کند.
نشست که گفته می شود کشورهای منطقه درآن از روند صلح افغانستان پشتیبانی شان را علام می کنند.
چندی پیش امام علی رحمان ورییس جمهورغنی نیز از طریق تیلفون با هم گفت و گو کرده و روی بهترشدن روابط دو کشور نیز تاکید کردند. پس ازاین گفت و گو مشاور امنیت ملی تاجیکستان همچنان به کابل آمد و با مقام های حکومتی ازجمله دکترعبدالله رییس شورای ملی مصالحه دیدار کرد.
تاجیکستان درهمسایه گی افغانستان با چند ولایت شمالی کشور مرز مشترک دارد که دربرخی این ولایت ها از جمله بدخشان و تخار طالبان نفوذ دارند.
اخیرا برخی شهروندان تاجیک نیز به گروه های تروریستی تحت حمایت طالبان پیوسته و فعالیت های تخریبی به ویژه دربدخشان دارند.
