رییس جمهور غنی در تماس تیلفونی با امام علی رحمان رییس جمهوری تاجیکستان بر دوام همکاری این این کشور با دولت افغانستان و تامین دیموکراسی تاکید کرده است.
آنها همچنان درمورد پرژه های انکشافی، انرژی برق و توسعیه سیاست خارجی این دوکشور بحث کردند.
یک روز پیش حنیف اتمر سرپرست وزیر وزارت خارجه نیز با وزیر خارجه تاجیکستان صحبت تیلفونی نموده وازآمادگی این کشور برای میزبانی نشست وزیران خارجه پروسه استانبول استقبال کرده است.
چند روز پیش امام علی رحمان رییس جمهور تاجیکستان در سفر به یکی از ولسوالی های مرزی این کشور با باشنده های ولسوالی شکی ولایت بدخشان از طریق بلندگو صحبت کرده وبرای آنان وعده همکاری نمود.
اما در خبرنامه های وزارت خارجه وکاخ ریاست جمهوری افغانستان هیچ اشاره به این موضوع نشده که آیا مقام های افغانستان در تماس های تیلفونی شان با جانب تاجیکستان درین مورد هم صحبت کردند یانه؟ در پی بنبست گفتگو های صلح و شایعات مبنی بر حکومت موقت، دولت افغانستان در راستای اجماع منطقه ی برای حمایت از جمهوریت و موقف خودش در گفتگوهای صلح تلاش دارد. هرچند با توجه منافع متضاد کشورهای منطقه در .افغانستان، دست یابی به چنین توافق کاریست سخت ودشوار
